Кыргыз Республикасынын Президентинин Жалал-Абад облусундагы ыйгарым укуктуу өкүлү Тилек Текебаев ушул жылдын 25-26-март күндөрү Токтогул району, Кара-Көл жана Таш-Көмүр шаарынын тургундары менен жолугушат.
Бул аракет облус аймагындагы жарандардын жер-жерлердеги көйгөйлөрүн ыкчам кароо, орун алган маселелерди жеринде чечүү максатын көздөйт.
Жолугушуу графиги:
-25-март, саат 10:00, Кара-Көл шаардык мэриясынын чоң жыйындар залы;
-25-март, саат 15:00, Токтогул шаардык Маданият үйү;
-26-март, саат 10:00, Таш-Көмүр шаарынын Маданият үйү.
Маалымат Кыргыз Республикасынын Президентинин Жалал-Абад облусундагы ыйгарым укуктуу өкүлчүлүгүнүн фейсбук баракчасынан алынды.