Райондук мамлекеттик администрациянын жана райондук прокуратуранын биргелешкен демилгесинин негизинде үй бүлөлүк зомбулуктан сактоо жана коргоо боюнча отурум өттү.
Отурумга райондук мамлекеттик администрация башчысынын орун басары К.Аттокуров, райондун прокурорунун жардамчысы Н.Ташманбетов, райондук ички иштер бөлүмүнүн, райондук билим берүү бөлүмүнүн, райондук эмгек, социалдык камсыздоо жана миграция башкармалыгынын, жалпы дарыгерлер практикалык борборунун жетекчилери жана кызматкерлери, жергиликтүү өз алдынча башкаруу органдарында түзүлгөн жергиликтүү комитеттердин төрагалары, шаардык мэриянын, айыл өкмөттөрдүн социалдык адистери катышты.
Күн тартибинде үй бүлөлүк зомбулуктан сактоо жана коргоо боюнча райондук жана жергиликтүү комитеттер тарабынан аткарылган иштер жөнүндө маселе каралып, райондун прокурорунун жардамчысы тарабынан “Үй-бүлөлүк зомбулуктан сактоо жана коргоо жөнүндө” Кыргыз Республикасынын Мыйзамынын талаптарына ылайык иш алып баруу боюнча түшүндүрүлдү жана райондук мамлекеттик администрация тарабынан тиешелүү чечим кабыл алынды.
