Элмирбек Иманалиев айыл аймагынын Чоргочу айылындагы Күрөң каналынын 1860 метрин механикалык жол менен тазалоо, кеңейтүү иштери жүргүзүлүүдө. Күрөң каналы буга чейин кол менен тазаланып келген. Каналды тазалоо иштери үчүн жергиликтүү бюджеттен 210 миң сом акча каражаты бөлүнгөн.
Элмирбек Иманалиев айыл аймагындагы Коңур-Өгүз жайлоосуна баруучу жолду оңдоп-түзөө иштери жүргүзүлүүдө.
Токтогул шаарынын карамагындагы Кызыл-Туу айылынын Конушбай ата көчөсүнүн жолунун жээгиндеги арыкты тазалоо иштери жүргүзүлүүдө.
Токтогул районунун прокуратурасынын демилгеси менен райондук билим берүү бөлүмүнүн жыйындар залында райондук мамлекеттик администрация башчысы-акимдин орун басары К.Аттокуровдун жана райондун аймагында жайгашкан 40 мектептин директорлорунун катышуусунда “Жаш өспүрүмдөр арасында жана өспүрүмдөргө карата кылмыштуулуктун алдын алуу” ошондой эле алдыда келе жаткан акыркы коңгуроо боюнча жыйын өткөрүлдү.
Райондук мамлекеттик администрациясынын башчысы-акимдин биринчи орун басары Н.Кожобергенов тиешелүү мекеме жетекчилери менен биргеликте Үч-Терек, Элмирбек Иманалиев айыл аймактарындагы кум-шагыл карьерин иштеткен ишкерлердин ишмердүүлүгү менен жеринен таанышты. Кум-шагылды казып алууда мыйзам талаптарынын сакталышы боюнча текшерүү жүргүзүлүп, мамлекеттик органдардын кызматкерлерине жана айыл өкмөт башчыларына тиешелүү тапшырмаларды берди.
WHATSAPP’тагы алдамчылардан сак болуңуздар! Эгерде сиз «Сиздин Tunduk аккаунтуңузга кирүү аткарылды…» деген билдирүү алсаңыз — бул алдамчылар! Эсиңизде болсун: “Түндүк” мамлекеттик мекеменин кызматкерлери эч качан биринчи болуп чалбайт жана жазбайт. Алар коддорду, сырсөздөрдү, карта номурларын жана жеке маалыматтарды сурашпайт. Билдирүү расмий көрүнсө да — жооп бербеңиз, шилтемелерге өтпөңүз. Эмне кылуу…
Токтогул районунун Элмирбек Иманалиев айыл аймагында Баңгизаттарды мыйзамсыз жүгүртүүгө каршы күрөшүү кызматынын түштүк аймактык бөлүгү Токтогул РИИБ менен биргеликте жаш өспүрүмдөр арасында футбол боюнча турнир болуп өттү. Турнирге Үч-Терек, Э.Иманалиев айыл аймактарынан 12 команда катышты. Уюштуруучулар тарабынан жеңүүчүлөргө баалуу белектер ыйгарылды.
Үч-Терек айыл аймагынын Жетиген айылынын Акжар участкасына баруучу 1 чакырым жолго кум, шагыл төшөлүп оңдоп-түзөө иштери жүргүзүлдү.
Эл аралык медайымдар күнү белгиленди Бүгүн, раймамадминистрациянын жыйындар залында райондук саламаттык сактоо мекемелеринин медайымдары катышкан майрамдык салтанат болуп өттү. Майрамдык салтанатка район башчысы-аким А.Тюкебаев катышып, Эл аралык медайымдар күнү менен куттуктап, медайымдардын кесиби гумандуу кесиптердин бири болуп келет. Ал зор күч-кубатты, сабырдуулукту, терең билимди жана мээрмандыкты талап кылат. Адамдын өмүрүнөн…
Токтогул шаарынын карамагындагы Бала-Чычкан айылында жаш өспүрүмдөр арасында эркин күрөш боюнча ачык биринчилик болуп өттү. Мелдешке Бишкек, Кара-Көл шаарларынын жана Токтогул районунун жаш спортчулары катышты.
