Кыргыз Республикасынын эгемендүүлүгүнүн 34 жылдыгына, кыргыз элинин залкар акыны Барпы Алыкуловду эскерүү жана Кыргыз Республикасынын Эл акыны Рахматулла Козукеевдин 70 жылдыгына карата райондук А.Керимбаев атындагы маданият үйүндө кыргыз, казак төкмө акындарынын XVIII Эл аралык айтышы өттү.
Иш-чарага райондук мамлекеттик администрация башчысы-аким А.Тюкебаев, Кыргыз улуттук “Манас” театрынын жетекчиси Т.Талантбеков жана Рахматулла Козукеевдин төкмөлүк өнөрдөгү изин улап келе жаткан шакирттери катышты. Өз сөзүндө райондун акими А.Тюкебаев “Айтыш өнөрү маданиятты байытып, эл аралык достукту чыңдап, жаш муун үчүн үлгү болот” деп белгиледи.
Иш-чара өнөрпоздордун өнөрү менен коштолуп, элге чоң майрамдык маанай тартууланды.
