Райондук мамлекеттик администрациясынын башчысы-аким А.Тюкебаев, Токтогул шаарынын мэри Б.Максутбаев Токтогул шаарынын борбордук эс алуу паркынын аймагына “Санжыра ордосун” куруу боюнча демөөрчүлөр менен долбоордун сметасы, проектиси талкууланып, макулдашуу иш-аракеттери жүргүзүлүүдө.
Райондук мамлекеттик администрациясынын башчысы-аким А.Тюкебаев, Жалал-Абад облустук капиталдык курулуш башкармалыгынын башчысы Т.Узенбаев, Токтогул шаарынын мэри Б.Максутбаев, А.Суеркулов айыл өкмөтүнүн башчысы Ө.Жаманкулов Торкен айылындагы А.Мамыров, Арал айылындагы Т.Тешебаев, Бала-Чычкан айылындагы Иманбаев атындагы орто мектептеринин курулуш иштеринин жүрүшү менен жеринен таанышып, курулуш иштеринин жүрүшү талкууланды.
Райондук мамлекеттик администрациясынын башчысы-аким А.Тюкебаевдин төрагалыгында техникалык кеңешменин отуруму болуп өттү. Отурумдун жүрүшүндө Токтогул шаарындагы борбордук стадиондун долбоору, сметасы, аткарылып жаткан иш-аракеттер талкууланды. Отурумга Жалал-Абад облустук капиталдык курулуш башкармалыгынын башчысы Т.Узенбаев, Токтогул шаарынын мэри Б.Максутбаев жана долбоорду иштеп чыккан фирманын өкүлдөрү катышты.
2024-жылдын 7-октябрында райондук мамлекеттик администрациясынын башчысы-аким А.Тюкебаев Чехия Республикасынан келген инвесторлор менен жолугушту. Жолугушуунун жүрүшүндө Токтогул суу сактагычынын суу үстүнө кубаттуулугу 1200 МВатт болгон электр станцияларын куруу боюнча инвесторлор менен жеринде сүйлөшүүлөр болуп, макулдашуу иш-аракеттери жүрүүдө.
Бүгүн, райондук мамлекеттик администрациясынын коомдук кабылдамасында башчы-аким А.Тюкебаевдин жеке кабыл алуусу графикке ылайык уюштурулду. Райондун тургундары үлүш жер, трансформатор коюу, таза суу, көпүрө, наам ыйгаруу жөнүндө маселелер менен кайрылышты. Башчы-аким А.Тюкебаев тарабынан кайрылган жарандарга тиешелүү кеңештер берилди. Эскерте кетсек, Башчы-акимдин жеке кабыл алуусу ар дүйшөмбү күнү саат 14:00дөн 17:00го чейин.…
Райондук оорулардын алдын алуу жана мамлекеттик санэпидкөзөмөл борборунун кызматкерлери калк арасында жугуштуу оорулардын алдын алуу жана калктын ден соолугуна кам көрүү максатында 2024-жылдын 4-октябрь күнү Кетмен-Дөбө айыл аймагынын Чоң-Арык, Терек-Суу айылдарына барып, сарык оорусу боюнча мектеп окуучуларына, мугалимдерге окууларды өтүп, түшүндүрүү иштерин жүргүзүштү.
3-октябрь Токтогул шаарындагы маданият үйүндө “МУГАЛИМДЕРДИН КЕСИПТИК МАЙРАМЫНА” карата майрамдык иш-чара болуп өттү. Иш-чарага Токтогул райондук мамлекеттик администрация башчысы-акимдин биринчи орун басары Н.Кожобергенов, шаар мэри, айыл өкмөт башчылары, мекеме-ишкана жетекчилери жана билим берүү тармагынын кызматкерлери катышты. Н.Кожобергенов билим берүү тармагынын кызматкерлерин майрамы менен куттуктап өттү. Иш-чаранын жүрүшүндө алдыңкы билим берүү…
Бүгүн, райондук мамлекеттик администрациясынын башчысы-акимдин биринчи орун басары Н. Кожобергеновдун төрагалыгында жыйын өттү. Жыйындын күн тартибинде: 1. 2024-жылдын 17-ноябрындагы Жергиликтүү кеӊештердин депутаттарын шайлоого карата, уюштуруу жана даярдык иштеринин жүрүшү; 2. Кышка даярдыктын жүрүшү; 3. Кыргыз Республикасынын 2022-жылдын 24-февралындагы “Кыргыз Республикасында үй-бүлөлүк салтанаттарды жана маркумду эскерүү үрп-адаттарын тартипке келтирүү боюнча чаралар…
Кыргыз Республикасынын Президентинин 2024-жылдын 17-майындагы №117,118 Жарлыктарына ылайык райондун аймагында жашаган алты, жети жана андан ашык бала төрөп, жакшы тарбиялап өстүргөн көп балалуу энелер Кыргыз Республикасынын мамлекеттик сыйлыгы “Баатыр эне” ордени жана “Эне даңкы” медалы сыйлыктары менен сыйланышты. 2024-жылда “Баатыр эне” ордени менен көп балалуу 20 эне, “Эне даңкы” медалына…
