Токтогул районунун аймагындагы калктуу конуштарды ичүүчү суу менен камсыздоонун жана саркынды сууларды чыгаруунун борборлоштурулган системасын туруктуу өнүктүрүү, эксплуатациялоо үчүн шарттарды түзүү, аймактарда ирригациялык системалардын абалын оңдоо жөнүнүдө маселе каралды.
Жыйынга КР Жогорку Кеңешинин депутаты К.Сулайманов, КР Суу ресурстары, айыл чарба жана кайра иштетүү өнөр жайы министрлигине караштуу Суу ресурстары кызматынын алдындагы “Ичүүчү суу менен камсыздоону жана саркынды сууларды чыгарууну өнүктүрүү” Мамлекеттик мекемесинин директору А.Шадманов, КР Финансы министрлигинин капиталдык салымдар башкармалыгынын бөлүм башчысы М.Султаналиев, КР коомчулукту өнүктүрүү жана инвестициялоо агенттигинин “Институционалдык өнүктүрүү” компонентинин жетекчиси М.Жумашев жана райондук мамлекеттик администрация башчысы-аким А.Тюкебаев катышты.
Жыйында ичүүчү жана сугат суу, ошондой эле ирригация системаларынын абалы жөнүндө маалыматтар талкууланып, атайын тапшырмалар берилди.
