Үч-Терек айыл аймагындагы Чоң-Таш жайлоосуна баруучу Ак-Сай суусуна көпүрө курулуп, алыскы жайлоого баруучу малчыларга көчүп-конууда керектүү буюмдарын сактоо үчүн атайын жеңил конструкцияда эки бөлмөлүү жай салынды. Жергиликтүү бюджеттен көпүрөнү оңдоого 99 миң, жеңил конструкция үчүн 250 миң сом акча каражаты сарпталды.
Райондук мамлекеттик администрациясынын башчысы-аким А.Тюкебаев Кетмен-Дөбө айыл аймагынын башчысы Б.Багымбаевди, “Алатай” МЖП жетекчиси А.Турсуналиевди , Токтогул токой чарбасынын директорунун орун басары А.Солтоевди жана “Муз-Төр” ААК директору В.Пальчуновду кабыл алып, Алатай мамлекеттик жаратылыш паркына, Ой-Алма участкасына жана алыскы жайлоолорго баруучу жолдорду оңдоп-түзөөдөн өткөрүү тапшырмасын берди.
Райондук мамлекеттик администрациясынын башчысы-аким А.Тюкебаев Үч-Терек айыл аймагындагы 2 га аянттагы муниципалдык мөмө-жемиш багынын абалын жеринен көрдү. Мындан сырткары, Саргата айылынын Садабай көчөсүнүн жашоочулары менен жолугушуп, кызыл сызыкка чыгып салынып калган королорун белгиленген сызыкка жылдыруу зарылдыгы боюнча түшүндүрүү иштери жүргүзүлүп, жергиликтүү тургундардын өтүнүчү менен 1-июнга чейин мөөнөтү узартылды.
Райондун аймагында кезектеги ишембилик уюштурулду. Ишембиликте Бишкек-Ош автожолунун райондун аймагындагы бөлүгү, баардык жергиликтүү өз алдынча башкаруу органдарындагы коомдук жайлардын айланасы, көчөлөр тазаланды. Тазалоо иштерине райондук мекеме, ишканалардын, мэрия, айыл өкмөттөрдүн эмгек жамааттары тартылды. Таштандыларды убагында чыгаруу үчүн атайын техникалар уюштурулуп, чыгаруу иштери жүрүүдө.
“Жылдын мыкты мугалими – 2025” республикалык конкурсунун райондук этабынын жеӊүүчүлөрү аныкталды. Конкурска район боюнча жалпы 23 мектептин мугалимдери катышты. Конкурстун катышуучуларына райондук билим берүү бөлүмүнүн “Ардак грамоталары” жана райондук профсоюз комитетинин тарабынан акчалай сертификаттар, баш байгенин жеңүүчүлөрүнө “Аврора” эс алуу жайына жолдомо берилди. “Баш байгени” № 6 Мүлкүбат атындагы жалпы…
Токтогул РИИБ кызматкерлери тарабынан райондун аймагындагы эс алуучу жайлардын ээлерине коомдук тартип, коопсуздук, укук бузуулар жана кылмыштуулукту алдын алуу боюнча түшүндүрүү иштерин жүргүзүштү. Ошондой чет өлкөдөн келген туристтерге жана конокторго сылык мамиледе болууга чакырышты.
Торкен-Толук-Сары-Камыш автоунаа жолун оңдоп-түзөө иштери жүрүүдө N23 жол тейлөө ишканасы тарабынан Торкен-Толук-Сары-Камыш автоунаа жолунун 28-чакырымынан 41-чакырымына чейинки 13 чакырым жолду шагылдоо жана кеңейтүү иштери жүргүзүлүүдө.
Элмирбек Иманалиев айыл аймагынын Чоргочу айылындагы Күрөң каналынын 1860 метрин механикалык жол менен тазалоо, кеңейтүү иштери жүргүзүлүүдө. Күрөң каналы буга чейин кол менен тазаланып келген. Каналды тазалоо иштери үчүн жергиликтүү бюджеттен 210 миң сом акча каражаты бөлүнгөн.
Элмирбек Иманалиев айыл аймагындагы Коңур-Өгүз жайлоосуна баруучу жолду оңдоп-түзөө иштери жүргүзүлүүдө.
Токтогул шаарынын карамагындагы Кызыл-Туу айылынын Конушбай ата көчөсүнүн жолунун жээгиндеги арыкты тазалоо иштери жүргүзүлүүдө.
