Кеңешмеге Токтогул райондук мамлекеттик администрация башчысы-аким А.Тюкебаев, райондук билим берүү бөлүмүнүн башчысы А.Боржуева, мекеме жетекчилери, мектеп директорлору жана мугалимдер жааматы катышты.
Башчы-аким А.Тюкебаев агартуу тармагынын кызматкерлерин куттуктап, педагогикалык конференция «Алтын-Казык» –доор өзгөрткөн билим» аталыштагы жалпы ураандын астында билим берүүдөгү милдеттерди ишке ашырууга багытталгандыгы боюнча токтолуп өттү. Кыргыз Республикасынын билим берүүсүндө жасалып жаткан реформалар билим сапатына көңүл бурулуп, ар бир мугалим кесипкөйлүктө, жоопкерчилик менен окуучулардын сабаттуулугун жогорулатууга көңүл бурушу менен бирге улуттук баалуулуктар аркылуу жаш муундун аң сезимин калыптандырууга өз салымын кошуш керектигин белгиледи.
Райондук билим берүү бөлүмүнүн башчысы А.Боржуева 2025-2026-окуу жылында кандай багытта билим берүүнүн алдыга койгон максат–көйгөйлөрдү чечүү жолдору боюнча билдирүү жасады.
2024-2025-окуу жылынын жыйынтыгы менен “Жылдын мыкты мектеби”, “Жылдын мыкты мугалими”, “Жылдык мыкты бала бакчасы” наамдары тапшырылды.
