Кыргыз Республикасынын Маданият, маалымат жана жаштар саясаты министрлигинин 2025-жылдын 5-августундагы № 510 буйругунун негизинде райондук мамлекеттик администрациясы райондук маданият бөлүмү менен биргеликте “Терме – акылдын айдыңы, курак – элдин байлыгы” аталыштагы республикалык кароо-сынак фестивалын уюштуруп өткөрдү.
Фестивалга республиканын жети дубанынын кол өнөрчүлөрү катышып, ар бир кол өнөрчү өзүнүн чыгармачылык жөндөмүн, кол өнөрчүлүк чеберчилигин көрсөттү.
Ошондой эле “Мал чарбасы, кыргыздардын кол өнөрчүлүктөрүнүн тоскоолдуктары жана чечүү жолдору, “Жүндү кайра иштетүү” темаларында конференция өтүп, райондук маданият үйүнүн өнөрпоздору катышуучуларга майрамдык маанай тартуулашты.
Түзүлгөн калыстар тобу тарабынан “Терме таар”, “Букары таар”, “Эки жүздүү терме”, “Беш кеште”, “Какма таар”, “Мыкты курак”, “Туш кийиз курак”, “Туштук курак” номинациялары боюнча жеңүүчүлөр аныкталып, атайын даярдалган сыйлыктар тапшырылды.
