Бүгүн, Токтогул шаарынын Комсомол айылында жайгашкан “Адеми” мектепке чейинки билим берүү уюмунун жаңы имаратынын ачылыш аземи болуп өттү.
Иш-чарага Токтогул райондук мамлекеттик администрациясынын аппарат жетекчиси Э.Апит уулу, Токтогул шаарынын мэри Б.Максутбаев, райондук билим берүү бөлүмүнүн башчысы А.Боржуева, шаардык кеңештин төрагасы С.Кылданов, аялдар кеңешинин төрайымы жана айыл аксакалдары, тургундары катышты.
Бала бакча болуп ачылган эки кабаттуу имарат реконструкцияланып, бала бакчага ылайыктуу шарттарды түзүү боюнча иш аракеттер аяктап, ишке берилди. Бала бакча 120 орундуу. Оңдоп-түзөө иштерине дем берүүчү гранттан жана жергиликтүү бюджеттен жалпы 7,5 млн сом сарпталды.
