Кыргыз Республикасынын Өзгөчө кырдаалдар министринин орун басары Искендер Сулайманов баштаган ыкчам топ аймактагы жарандык коргонуу кызматтарынын күч-каражаттарын жана иш кагаздарын текшерүүгө алууда.
Аталган иш-чаранын негизги максаты — аймактагы жарандык коргонуу системасынын даярдык деңгээлин текшерүү, өзгөчө кырдаалдардын алдын алуу жана кесепеттерин жоюу боюнча кызматтардын иш алып баруу жөндөмдүүлүгүн баалоо болуп саналат.
Баалоонун алкагында:
жарандык коргонуу кызматтарынын даярдыгы текшерилет; өз ара аракеттенүү механизмдери каралат; өзгөчө кырдаалдарга ыкчам чара көрүү мүмкүнчүлүктөрү бааланат.
Иш-чарага Токтогул райондук жарандык коргонуу кызматтары жана тиешелүү түзүмдөр тартылды.
Мындай текшерүүлөр калктын коопсуздугун камсыз кылуу жана өзгөчө кырдаалдарга даярдык деңгээлин жогорулатуу максатында үзгүлтүксүз жүргүзүлүп турат.