Кыргыз Республикасынын Энергетика министрлигинин колдоосу менен “СЭС Токтогул” жоопкерчилиги чектелген коому тарабынан “Жалал-Абад облусунун Токтогул суу сактагычына кубаттуулугу 620 МВт “РV” калкып жүрүүчү фотоэлектр паркын куруу” долбоору ишке ашыруулуда. Мындан сырткары долбоордун алкагында көлдүн жээгине 500 кВА подстанцияны, кампаны, курулуш шаарчасын, 49 км чубалгыларды куруу пландаштырылган. 2024-жылдын 3-августунда ишкерлер суу сактагычтын бетине күн энергия станциясын жана көлдүн жээгине подстанция куруу боюнча райондук мамлекеттик администрациясында кеңешме өттү. Инвесторлор жерине барып, жердин шарты менен таанышып келишти. Кеңешмеге Кыргыз Республикасынын энергетика министринин орун басары катышты.
