2024-жылдын 28-декабрь күнү № 1 Токтогул атындагы орто мектебинде Токтогул райондук мамлекеттик администрация башчысы-аким А.Тюкебаевдин балдарга арналган Жаңы жылдык балаты майрамы белгиленди. Майрамдык иш-чарага райондун аймагындагы социалдык колдоого муктаж балдар, билим берүү мекемелеринин алдыңкы окуучулары катышты.
Райондук мамлекеттик администрация башчысы-аким А.А.Тюкебаев, райондук мамлекеттик администрациясынын башчысы-акимдин орун басары А.Нават кызы, райондук билим берүү бөлүмүнүн башчысы А.Боржуева балдарды келе жаткан жаңы жылы менен куттуктап, окуудагы ийгиликтерди жана жетишкендиктерди каалады.
Иш-чарада окуучулар тарабынан даярдалган майрамдык концерт тартууланып, райондук мамлекеттик администрациясы тарабынан даярдалган белектер тапшырылды.
