Кыргыз Республикасынын Мамлекеттик салык кызматынын Токтогул башкармалыгында “Бирдиктүү терезе” ачылды

“Бирдиктүү терезеде” 5 кызматкер кызмат көрсөтөт, жарандар жана салык төлөөчүлөр акысыз негизде кызмат көрсөтүүлөрдүн комплексин ала алышат.

Анын ичинде:

– отчетторду тапшыруу;

– жардам алуу;

– салык кызматынын маалыматтык системаларына кирүү;

– электрондук булуттук кол тамгасын алуу;

– салыктык каттоодон жана кайра каттоодон өтүү;

– патент жана камсыздандыруу полисин сатып алуу же узартуу.

Ошондой эле “Бирдиктүү терезеде” банктардын төлөм терминалдары аркылуу салыктарды, камсыздандыруу төгүмдөрдү жана башка төлөмдөрдү төлөө мүмкүнчүлүгү каралган.