Кетмен-Дөбө, Абды Сүйөркулов, Элмирбек Иманалиев айыл өкмөттөрүндө элдик жыйындар болду. Аталган айыл өкмөттөрдүн жашоочулары менен болгон жыйынга Кыргыз Республикасынын Жогорку Кеңешинин депутаты К.К.Сулайманов, райондун акими А.А.Тюкебаев жана райондун бир катар жетекчилери катышышты. Жыйында жергиликтүү жарандар тарабынан көйгөйлүү маселелер айтылып, аларды чечүү жолдору каралды.
Абды Сүйөркулов айыл аймагынын Көтөрмө айылындагы Чыркыратма каналы ашар жолу менен тазаланды. Чыркыратма каналдын узундугу 8 чакырымды түзөт.
Райондук мамлекеттик администрация башчысы-аким А.Тюкебаев Кетмен-Дөбө айыл аймагындагы насостук станциялардын жазгы талаа сугат иштерине даярдыктарын, Мазар-Суу айылындагы жаңы салынган парктын абалын, медициналык объектилерди, административдик-аймактык реформанын алкагында айыл өкмөтүнүн мүлктөрүн тактоо иштеринин жүрүшүн жана башка аткарылып жаткан иштерди жеринен көрдү.
21-мартта райондук маданият үйүндө Нооруз майрамына арналган салтанаттуу иш-чара өттү. Салтанаттуу иш-чаранын жүрүшүндө райондук мамлекеттик администрация башчысы-аким А.Тюкебаев, Токтогул шаарынын мэри Б.Максутбаев, шаардык кеңештин төрагасы М.Борбугулов, аялдар кеңешинин төрайымы Э.Раманкулова майрамдык салтанаттын катышуучуларын Нооруз майрамы менен куттукташты. Салтанат майрамдык концерт менен уланды.
2024-жылдын 20-мартында райондук мамлекеттик администрация башчысы-аким А.А.Тюкебаев райондук ишкана, мекемелердин жетекчилери менен бирге Толук айыл өкмөтүнүн жашоочулары менен жолугушту. Жарандардын негизги көйгөйлөрү жер, суу, жол, электр энергиясы жөнүндө болду. Жарандар тарабынан жергиликтүү деңгээлде чечиле турган суроо-талаптардын чечүү жолдору белгиленип, аларды аткарууга алуу тиешелүү жетекчилерге тапшырылды.
Кыргыз Республикасынын Саламаттыкты сактоо министрлигинин “Кошумча эмдөө жөнүндөгү” №2/093 буйругунун негизинде кызамык вирусунун таралышын азайтуу жана алдын алуу максатында 2024-жылдын 11-мартынан 21-мартына чейин “Эмдөө жумалыгы” жарыяланып, 9 айдан 8 жашка чейинки балдарга кызылча, кызамык ооруларына каршы эмдөө жүргүзүү пландалган. Район боюнча эмдөөдөн өтө турган балдардын саны 12331 баланы түзөт. Эмдөө…
19-март 2024-жылы Токтогул райондук мамлекеттик администрация башчысы-аким А.А.Тюкебаев Токтогул районунун Токтогул шаарынын жашоочулары менен жолугушуу өткөрдү. Жыйында 2023-жылы өткөрүлгөн элдик жыйындарда айтылган суроо-талаптардын негизинде кабыл алынган иш-чаралардын аткарылышы жөнүндө маалымат берилди. Жыйында жарандар тарабынан айтылган электр энергиясы, таза суу, сугат суу, бала бакча ж.б. маселелер боюнча тиешелүү мекеме, ишканалардын жетекчилери…
Токтогул районундагы №4 Н.Бримкулов атындагы инновациялык мектеп-гимназиясында танапис учурунда берилүүчү коңгуроо “Улуттук обондо” берилип жатат. Улуттук коңгуроонун аппаратураларын сатып алып, орнотуу аталган мектептин 20 жылдык бүтүрүүчүлөрү тарабынан каржыланган. Кыргыз Республикасынын Министрлер Кабинетинин “2023–2027-жылдарга улуттук наркты сактоо жана өнүктүрүү жөнүндө улуттук программаны ишке ашыруу боюнча “Жол картаны” бекитүү тууралуу токтому жетекчиликке…
Райондук мамлекеттик администрация башчысы-акимдин биринчи орун басары Н. Кожобергенов А.Сүйөркулов, Үч-Терек айыл өкмөттөрүндө жайгашкан суу чарба объекттеринин сугат иштерине даярдыгын жана көп жылдык чөп аянттарынын сугарылышын жеринен текшерди. Текшерүүнүн жүрүшүндө кемчиликтер аныкталып, 2024-жылдын 25-мартына чейин кемчиликтерди жоюу тапшырмасын райондук суу чарба башкармалыгынын башчысы А. Орозбаевге жана айыл өкмөт башчыларына милдеттендирди.
Ишембиликте Бишкек-Ош автожолунун райондун аймагындагы бөлүгү, Токтогул шаарынын борбордук көчөлөрү, баардык жергиликтүү өз алдынча башкаруу органдарындагы коомдук жайлардын айланасы, көчөлөр тазаланды. Тазалоо иштерине райондук мекеме, ишканалардын, билим берүү мекемелеринин эмгек жамааттары жана райондун жашоочуларды тартылды. Таштандыларды убагында чыгаруу үчүн атайын техникалар уюштурулуп, чыгарылды.
