Токтогул Сатылгановдун 160 жылдыгына карата жазуучу, драматург Качкынбай Керимбаевдин Токтогул Сатылгановдун чыгармаларынын негизинде жазылган “Тотуя” драмасы райондук А.Керимбаев атындагы маданият үйүнүн кызматкерлери тарабынан көрүүчүлөргө тартууланды.
Иш чарага райондук мамлекеттик администрация башчысы-аким А.А.Тюкебаев катышып, Кара-Кыргыз автономиялуу облусунун түзүлгөндүгүнүн 100 жылдыгын белгилөөдө жана кыргыз элинин демократ-акыны Токтогул Сатылгановдун 160 жылдыгына карата драматург Качкынбай Керимбаевдин “Тотуя” драмасын жогорку деңгээлде сахналаштырып алып чыккандыгы үчүн Токтогул райондук маданият үйүнүн эмгек жамаатына ыраазычылык билдирди, ошондой эле иш чаранын катышуучуларына райондук мамлекеттик администрациянын сыйлыктарын тапшырды.
